زوجي عصبي جدا ودائما اهانة ومد ايد

زوجي عصبي جدا ومش بعرف اتفاهم معاه ف اي موضوع اي نقاش بنا يتحول بخناقة وحتى قدام الاولاد بيزعق وبيضرب وقدام اخته وفارض عليا اخته تعيش معايا ف نفس الشقة وهى معاها معاش والداها كبير بياخده كله منها ولما اجيب لها عريس مش بيوافق وهى بتتدخل ف كل حاجة ف حياتنا ومقهورة منه بطلع قهرها عليا وع الاولاد وهو رافض اي حل

شريك الحياة

سنة

اعجبت بواحدة 17 سنة

فاختي عملت جروب نتعرف بيه بعض لمدة يومين

ف كلمتها في حاجات كتير بس جينا عند نقطة اللبس والتعامل مع ابن خالتها وحصل انعكاس

هي لبسها شبه لبس الجيل الجديد بتاع البنات كله يعني بتلبس بناطيل واسعة فوقيه شميز قصير وطرحة اللفة ساعات بتبين رقبتها ودراعها ساعات بيبقي مكشوف من قدام مكان الساعة

انا شخص الناس شيفاني ملتزم محترم دينيا بس أنا يجاهد نفسي مش اكتر يعني ساعات بسمع أغاني ساعات بتفرج علي ريلز فيها بنات بس بندم وبرجع تاني وبندم وبرجع بس الفكرة اني بغير جدا وحاسس أن مفيش حاجة هتطمني غير النقاب والستر الكامل

في الشات لما اتكلمنا فهمتها ده وهي كانت موافقة وقالت أنا نفسي في ده بس مش عايزة ابقي مجبورة عليه وبالتدريج هبطل كل حاجة فأنا تاني يوم ضغطها بطريقة كلامي علي اللبس وكنت عايزها تغير من نفسها بسرعة ف آخر اليوم قالت اني مضغوطة ومش مرتاحة وقالت شوف بنت تكون احسن مني انا مش هنفع معاك عدت 5 اشهر أختي جست نبضها تاني وهي موافقة وقالت أنا مرفضتوش بس مش عارف أعمل ايه مش عارف اطلعها من دماغي بس نقطة الاختلاف مش عارف اي الحل

خلافات زوجيه

متجوزةمن اربع سنين اول سنه جواز جوزى خانى وانا حامل كان بيساعدنى وبعدها شال ايده وساب عليا كل حاجه هو فوضوى اوى مش بيقفل وراه الدولاب ولا بيشيل هدومه مش منظم ولو عايز كوباية ميه انا اديله لو بينه وبينها متر عايز يتغطى يناديني اغطيه ولما اتكلمت معاه فى المساعده فى البيت حتى باانه بس يكون منظم يقولى ده طبعى والبيت دورك انا كنت بساعد ولما لقيتك بتطلبى حسيت انه بقا فرض مش هعمل ومن وقتها على خلاف بسبب عدم التعاون فى ابسط الاشياء وبنتى كانت جعانه وانا مكنتش اعرف انى حامل بس كنت تعبانه قولتله يعملها ساندوتش رفض اتعصبت وعليت صوتى قلتله بقولك مش قادرة والبنت جعانه قام ضربنى جبت اهلى قالهم هراضيها عشان مجيتكم مش عشان غلطان وعدى الوقت وولدت بقا بيعاملنى اسوء معامله بدون اى سبب معملش حساب انى لسه والده و جوز خالتى كلمه ويقوله دى لسه والده احسن معاملتها قل منه وقاله عايز انام من كام يوم ضربنى عشان غلست عليه وتقلت شويه وقالى تحرمى عليا ليوم الدين قلت يبقى تنام بره قام ضربنى تانى لسانى وهو بيتعامل عادى وكل مشكله لازم انا اللى ابدا بالكلام المرة دى مش قادرة حاسه انى متهانه اوى هو زوج واب كويس مشكلته الضرب

ارهاق نفسي من قله الاهتمام واللوم من الزوج

انا متزوجه من خمس سنين بعد حب انا.وزوجي نفس السن . متشاركين من اول الزواج ف مهام البيت و الفلوس النص بالنص خلفت ولد وبنت الحمدلله وامورنا مستقره ماديا الي حد ما .. المشكله عندي انه عنده وسواس نضافه بيهتم بالشقه اكتر مننا كلنا ويقولي ماهو عايده علينا وبعدها يجي يقولي انتي مش بتعملي لي انا عاوزه ويلومني اني مش بنضف زي ما هو بينضف وبيطالبني اني انضف البيت كله ثلاث اوض وصاله ومطبخ وحمام ف يوم واحد وتنضيف عميق طبعا انا بقولو مستحيل انا حالتي الصحيه متخلنيش اعمل كدا انا عندي التهاب ف المفصل بتاع ايدي وخشونه وعندي عرق النسا غير اني عندي مشكله ف كف ايدي ف الأعصاب وقاعده بطفلين.. حصلت إمبارح بينا مشكله اني خلصت الصاله وقلتله هعمل المطبخ بكره قالي اصحي الصبح لي هو الفجر يكون خلصان طبعا هو بيضغطني مع اني مبضغطوش ف اي طلبات للبيت خالص بس هو ضغطني وانا اتعصبت وقومت المطبخ وانا بنضف جيه يكلمني قلتله انا قايمه غصب عني وكنت برص الاطباق فكسرت طبق وهو اتعصب وسابني ونام وزعل وطبعا هيجيب اللوم كله عليا انا . وانا بجد مبقتش طيقاه ولا قادره اكمل معاه بالاسلوب دا احنا حياتنا كلها ضغط وهو مش شايف انه غلطان دا اقل مشكله

ازاي اتعامل مع عصبية زوجي

زوجي عصبي جدا ومش بعرف تتناقش معاه ف اي موضوع

ده غير أنه كمان بخيل معايا أنا ف طالباتي الشخصية أو العلاج أو الذهاب للدكتور

زوجي نرجسي

انا متزوجه باقي 17 سنة في الاول كان اهتمام وبعدين بدء الهجر والصمت العقابي وترك المنزل.. المشكلة الي بتوجهني دلوقتي انه بيضغط على اعصابي في اي مشكلة لغاية ما انهار وابدا اغلط في الافعال والكلام وهو هادي جداا .. لغاية ما انا هتجنن خلاص من كتر عدم سيطرتي على اعصابي وهدوءه القاتل.. وعندي بنتين خايفه ااثر عليهم بشكل غلط وانا نفسي يبقو كوسين ومش عوزاهم يتربو بشكل في ضغط نفسي وعصبي

عدم مشاركة الزوج الزوجه في اي شئ يخصها

زوجي دايما سلبي وبيبعد نفسه عن اي مسؤوليه تجاهي سواء فلوس او حتى لو مرضت انا متزوجه من ست سنوات او اربع سنين كان مفيش مشاكل او جايز انا اللي مكنتش شايفه عيوبه لاني متزوجاه عن حب بعد الانجاب شال ايده من الموضوع من اول يوم البيبي جه حياتنا وهو دخل اوضه تانيه وقفل على نفسه كنت بلتمسله العذر وبقول عنده شغل لكن الحياه استمرت على كده ييجي من الشغل يفضل ماسك التليفون يلعب كوره وانا مسحوله بالطفل طول اليوم وهو عادي مش مهتم حتى يساعدني ف حاجه البيت في يوم الاجازه حصلت مشاكل كتير بيننا واشتكيت كتير من قلة اهتمامه لكن بنرجع لنفس النقطه لحد ما وصلت ل مرحلة فطام ابني وقبلها عرفته قولتله انا محتاجاك بس معايا يومين تبقى قريب فيهم من ابننا عشان لو صحي بليل وفهمته الوضع واللي حصل عكس ده تماما كنت فطمت خلاص وطبعا كنت بتألم وتعبانه جداا ومش هقدر اشبل ابني على صدري وهو عمل نفسه نايم وانا بتألم ولا اهتز من وجعي وشال مني الطفل وتاني يوم بعاتبه قالي انه يا هينام يا هينزل القهوه وفعلا نزل القهوه وسابني اليوم ده وكنت تعبانه جدا رجعت عاتبته تاني قالي بكل برود امك تيجي تقعد بيكي لما تتعبي انا واحد بشتغل

عدم توافق فكري

سبت بيتي ومشيت لان جوزي بات برا ومعرفنيش ودلوقتي عايزه اتطلق منه لانه شخص علطول بيسهر برا لوش الفجر وعمره ومش قريب من ربنا لا ملتزم ف صلاه ولا اي حاجه وبيشرب سجاير وممكن مخدرات لان لقيت ف شقتي افيون ومش بيقدرنا المصاريف عنده ما هي الا اكل وشرب وكشوفات غير كده مفيش حاجات كتير بايظه ف الشقه بتطلب منه كتير يصلحها مش بيرضي عمره م جابلي هديه ولا خرجنا نتفسح مش بيسأل ف الأولاد ف للبس او فسح او اي حاجه غير الاكل انا حرفيا حاسه ان مش متقبله الشخص بقيت كارهاه ومش حابه ارجعله